Beinvegni tier la pagina da troccas! Sche Vus udis enzatgei da turniers etc dai fai aschi bien part e vegnin a presentar datums e nua che quels han liug gratuitamein. Las gliestas da rangaziuns anfleis vus niev sut ina atgna sparta.

 

Montag
Sep152014

Maraton da troccas Hotel Greina a Rabius


Freitag
Jan242014

Turnier da troccas la steila a Kloten 26. d'avrel 2014


Preziadas trochistas e preziai trochists

 

Nus sentupein puspei a Kloten sonda, ils 26d’avrel 2013 denter las 10:00 e las 11:30 uras.

Per nossas trochistas e trochists da lunsch e damaneivel vegn ei dau era uonn in pign rinforz avon che entscheiver il turnier.

L’entschatta dil turnier vegn fixaus sin las 11:30 uras. Da bial’aura ord aviert sut tetg?

Suenter miez turnier dat ei ina cuorta pausa duront la quala nus savein puspei gustar las bunas pettas ed in bien caffe, quei duront ca. ½ ura. Entuorn las 18 :30 uras quintein nus dad haver terminau il turnier e da saver far la rangaziun finala.

Silsuenter essas Vus einvidai en tier ina tscheina cun carn barsada sin il grill e cun in bellezia buffet cun bunas salatas e desserts che nossas dunnas da Turitg han fatg sezzas.

Per turnier, pausa da caffe, tscheina e dessert stueis pagar la mudesta summa da 50 frs. Sche enzatgi vul pagar en gia ordavon ei quie bi. Lu saveis scrivar a nies birolist Corsin sut cderungs@bluewin.ch .

 

Sco anfleis Vus la Schützenstube a Kloten?

Da Kloten va ei encunter Bassersdorf, suenter la rundella alla fin da Kloten sesanfla dretg il quartier d’industria; naven d’il tancadi dil COOP mei a seniester. Ca. 200 meters pli tard aunc ina gada seniester en direcziun « Schützenhaus »

Sche Vus anfleis buca ei, telefonai a nus. Tel. 079 751 97 88 ni 079 451 56 88

 

Vossas annunzias pren bugen encunter cderungs@bluewin.ch Tel 079-307 26 37

 

Salids amicabels e beinvegni a tuttas e tuts

Mengia Cathomen cun Peter Mattes e Corsin Derungs

 

Donnerstag
Nov142013

Cup da Steila a Danis

 

CLUB DA TROCCAS OCHLI DANIS-TAVANASA

Il Cup Steila ha liug dumengia, igl 1. da december 2013 allas 13.00 uras ell'ustria Steila a Danis

Ei vegn giugau cun partenari tenor giavisch, cun tschintschar, el sistem cup.
Tut tgi che dat bugen troccas ei cordialmein envidaus.

Club da troccas Ochli
Danis-Tavanasa

 

Freitag
Okt252013

turnier da troccas per premis a Breil


 

 

Freitag
Okt252013

Campiunadi Grischun da Troccas 2014


Preziadas amitgas, preziai amitgs dil giug da troccas

 

L’uniun grischuna da troccas selegra d’envidar Vus al novavel campiunadi grischun da troccas.

 

Il giug da troccas ei in’impurtonta ierta culturala dalla Surselva. Sur generaziuns han las troccas accumpignau ed uniu la populaziun ed era ozildi han ellas piars nuot da lur fascinaziun.

Cun la realisaziun dil campiunadi grischun da troccas vul l’uniun grischuna da troccas rinforzar quei giug da tradiziun. Il giug da troccas - che stat en stretg connex cun il lungatg romontsch - duei vegnir promovius e fatgs enconuschents sur ils cunfins da nossa regiun.

Nus sperein d’astgar beneventar Vus ils 11 e 12 da schaner 2014 al novavel campiunadi grischun da troccas ell’aula a Glion.

 

Vossa uniun grischuna da troccas

__________________________________________

Informaziuns

Program

sonda, 11-01-2014, 13:00 – 22:00 uras
runda da qualificaziun (cun pausa per tschenar)

dumengia, 12-01-2014; 11:00 – 17:00 uras
runda finala

Liug

Aula da scola a Glion

Gruppas

Mintgamai duas persunas valan sco team fix per igl entir campiunadi. Ei vegn giugau cun tschintschar (tenor reglament).

Modus da giug

Ei vegn mintgamai dau in giug per runda. Treis quarts dils teams sequalificheschan per il final dalla dumengia. Il quartfinal, il miezfinal ed il final vegnan giugai sur 3 giugs.

Cuosts

180.00 francs per team

La contribuziun sto vegnir pagada cun cedel da pagament ina jamna avon il turnier, schiglioc ei l’annunzia buca valeivla. Sch’in team ei buca presents, vegn il daner da giug buca restituius. Cumpriu ein ina tscheina la sonda e petta cun caffè la dumengia.

Meinagiug

Ils organisaturs decidan davart las consequenzas pertuccont giugs che vegnan buca giugai a moda e maniera gesta (tenor reglament).

Premis

1'000.- francs en bar per il team che daventa campiun grischun. Ils secunds  600.- ed ils tiarzs 400.- francs. Mintga team survegn in premi.

Remarcas

En sala eis ei buca lubiu da fimar.

Annunzia

tochen ils 31 da december 2013

-   a scret: Annalisa Cathomas, Via Bual 17, 7130 Glion, 081 943 32 59
-   via mail: annalisacathomas@bluewin.ch
-   egl internet sut: www.troccas.ch

Conto

Uniun grischuna da troccas
Banca Raiffeisen Cadi, Mustér, numera da conto 70-1479-0

IBAN CH56 8107 2000 0068 5834 6

Nus selegrein sin buns giugs e sin Vossa cumpignia!

 


Freitag
Apr122013

Maraton da troccas Café Montana


Il maraton da troccas a Cuera el Café Fontana vegn buca menaus atras, memia paucs giugadurs e giugaduras

 

 

Donnerstag
Feb072013

Turnier da troccas la steila 2013


Turnier da troccas la steila a Kloten ils 20 d’avrel 2013

 

Cordial beinvegni

 

Preziadas trochistas e preziai trochists

Nus sentupein puspei a Kloten sonda, ils 20d’avrel 2013 denter las 10:00 e las 11:30 uras.

Per nossas trochistas e trochists da lunsch e damaneivel vegn ei dau era uonn in pign rinforz avon che entscheiver il turnier.

L’entschatta dil turnier vegn fixaus sin las 11:30 uras. Da biall’aura ord aviert sut tetg?

Suenter miez turnier dat ei ina cuorta pausa duront la quala nus savein puspei gustar las bunas pettas ed in bien caffe, quei duront ca. ½ ura. Entuorn las 18 :30 uras quintein nus dad haver terminau il turnier e da saver far la rangaziun finala.

Silsuenter essas Vus einvidai en tier ina tscheina cun carn barsada sin il grill e cun in bellezia buffet cun bunas salatas e desserts che nossas dunnas da Turitg han fatg sezzas.

Per turnier, pausa da caffe, tscheina e dessert stueis pagar la mudesta summa da 50 frs. Sche enzatgi vul pagar en gia ordavon ei quie bi. Lu saveis scrivar a nies birolist Corsin sut cderungs@bluewin.ch .

 

Sco anfleis Vus la Schützenstube a Kloten?

Da Kloten va ei encunter Bassersdorf, suenter la rundella alla fin da Kloten sesanfla dretg il quartier d’industria; naven d’il tancadi dil COOP mei a seniester. Ca. 200 meters pli tard aunc ina gada seniester en direcziun « Schützenhaus »

Sche Vus anfleis buca ei, telefonai a nus. Tel. 079 751 97 88 ni 079 451 56 88

Vossas annunzias pren bugen encunter cderungs@bluewin.ch Tel 079-307 26 37

 

Salids amicabels e beinvegni a tuttas e tuts

Mengia Cathomen cun Peter Mattes e Corsin Derungs

 

 

 

Montag
Jan142013

Communicaziun da medias campiunadi da troccas 2013


Casper Deflorin e Pius Desax gudognan il campiunadi grischun da troccas

 Ils 12 ed 13 da schaner 2013 han giu liug ella sala Fontauna a Mustér il 8avel campiunadi grischun da troccas.

 La sonda ei la runda da qualificaziun vegnida giugada ed oz ha giu liug la runda finala per la quala treis quarts dils participai ein sequalificai. Ils finals cun ils megliers otg teams ein vegni giugai el sistem da ko. En tut han 116 persunas en 58 teams fatg part al turnier.  

 Gudignau il turnier han Casper Deflorin e Pius Desax da Mustér. Vicecampiuns ein Renata ed Annalisa Cathomas da Glion ed il tierz rang han Marcus Manetsch e Reto Bigliel da Mustér contonschiu.  

 Cun ils campiunadis grischuns da troccas duei la tradiziun da quei giug fetg cumplex e spannegiont ch’ei per gronda muntada per il lungatg e la cultura romontscha vegnir tgirada e promovida.

resultats dil campiunadi->

 


Dienstag
Nov062012

Cup Steila a Danis

CLUB DA TROCCAS OCHLI DANIS-TAVANASA

Il Cup Steila ha liug dumengia, ils 16 da december 2012 allas 13.00 uras ell'ustria Steila a Danis
Ei vegn giugau cun partenari tenor giavisch, cun tschintschar, el sistem cup.
Tut tgi che dat bugen troccas ei cordialmein envidaus.

Club da troccas Ochli
Danis-Tavanasa

 

 

Freitag
Nov022012

Campiunadi Grischun da troccas 2013


Preziadas amitgas, preziai amitgs dil giug da troccas

 

L’uniun grischuna da troccas selegra d’envidar Vus agl otgavel campiunadi grischun da troccas.

 

Il giug da troccas ei in’impurtonta ierta culturala dalla Surselva. Sur generaziuns han las troccas accumpignau ed uniu la populaziun ed era ozildi han ellas piars nuot da lur fascinaziun.

Cun la realisaziun dil campiunadi grischun da troccas vul l’uniun grischuna da troccas rinforzar quei giug da tradiziun. Il giug da troccas - che stat en stretg connex cun il lungatg romontsch - duei vegnir promovius e fatgs enconuschents sur ils cunfins da nossa regiun.

Nus sperein d’astgar beneventar Vus ils 12 e 13 da schaner 2013 agl otgavel campiunadi grischun da troccas ella sala Fontauna a Mustér.

 

Vossa uniun grischuna da troccas


__________________________________________

Informaziuns


Program

sonda, 12-01-2013, 13:00 – 22:00 uras
runda da qualificaziun (cun pausa per tschenar)

dumengia, 13-01-2013; 11:00 – 17:00 uras
runda finala


Liug

Sala Fontauna a Mustér


Gruppas

Mintgamai duas persunas valan sco team fix per igl entir campiunadi. Ei vegn giugau cun tschintschar (tenor reglament).


Modus da giug

Ei vegn mintgamai dau in giug per runda. Treis quarts dils teams sequalificheschan per il final dalla dumengia. Il quartfinal, il miezfinal ed il final vegnan giugai sur 3 giugs.


Cuosts

160.00 francs per team

La contribuziun sto vegnir pagada cun cedel da pagament ina jamna avon il turnier, schiglioc ei l’annunzia buca valeivla. Sch’in team ei buca presents, vegn il daner da giug buca restituius. Cumpriu ein ina tscheina la sonda e petta cun caffè la dumengia.


Meinagiug

Ils organisaturs decidan davart las consequenzas pertuccont giugs che vegnan buca giugai a moda e maniera gesta (tenor reglament).


Premis

1'000.- francs en bar per il team che daventa campiun grischun. Ils secunds  600.- ed ils tiarzs 400.- francs. Mintga team survegn in premi.


Remarcas

En sala eis ei buca lubiu da fimar.


Annunzia

tochen ils 31 da december 2012

-   a scret: Annalisa Cathomas, Via Bual 17, 7130 Glion, 081 943 32 59
-   via mail: annalisacathomas@bluewin.ch
-   egl internet sut: www.troccas.ch


Conto

Uniun grischuna da troccas
Banca Raiffeisen Cadi, Mustér, numera da conto 70-1479-0

IBAN CH56 8107 2000 0068 5834 6


Nus selegrein sin buns giugs e sin Vossa cumpignia!