Communicaziun da medias campiunadi da troccas 2013
Montag, Januar 14, 2013 at 8:35AM
admin


Casper Deflorin e Pius Desax gudognan il campiunadi grischun da troccas

 Ils 12 ed 13 da schaner 2013 han giu liug ella sala Fontauna a Mustér il 8avel campiunadi grischun da troccas.

 La sonda ei la runda da qualificaziun vegnida giugada ed oz ha giu liug la runda finala per la quala treis quarts dils participai ein sequalificai. Ils finals cun ils megliers otg teams ein vegni giugai el sistem da ko. En tut han 116 persunas en 58 teams fatg part al turnier.  

 Gudignau il turnier han Casper Deflorin e Pius Desax da Mustér. Vicecampiuns ein Renata ed Annalisa Cathomas da Glion ed il tierz rang han Marcus Manetsch e Reto Bigliel da Mustér contonschiu.  

 Cun ils campiunadis grischuns da troccas duei la tradiziun da quei giug fetg cumplex e spannegiont ch’ei per gronda muntada per il lungatg e la cultura romontscha vegnir tgirada e promovida.

resultats dil campiunadi->

 


Article originally appeared on Troccas.ch (http://www.troccas.ch/).
See website for complete article licensing information.