Reglament campiunadi Grischun da troccas
Dienstag, Dezember 29, 2015 at 9:48AM
admin



Ei vegn dau dus giugs per runda, mintga giug gudignau dat dus puncts. In giug uliv dat per mintga team in punct. En parentesa vegn mintgamai nudau il stan dils buns (+) ni dils schliats (-) dalla fin dil giug. Tier in giug uliv ei lez stan sin nul. Ex. : In team gudogna omisdus giugs, inagada cun 7 buns ed inagada cun 11 buns, lu dat ei il suandont resultat final: victurs = 4(+18), sperdiders = 0 (-18). Sche team A gudogna in giug per 4 buns e team B damogna l’auter per 13 buns, ei il stan final il suandont: team A = 2(-9), team B = 2(+9).

Sch’ei dat in giug uliv, vegn ei buc aunc dau ora duas gadas. Il resultat munta lu ad 1(0) per mintga team per igl emprem giug. Sche team A gudogna il secund giug per 7 buns, lu ei il resultat final il suandont: team A = 3 (+7), team B = 1(-7).

Suenter mintga runda vegn midau adversari, quei tenor la gliesta ch’ei vegnida fatga tenor schabetg. 

Il giug entscheiva cun dar ora sis cartas per giugadur.

Aschigleiti ch’in team ha 9 puncts schliats e dapli, sa el pretender ch’ei vegni dau 9 cartas per trochist(a), sto denton annunziar quei avon ch’alzar. 

Cun 18 e dapli schliats sa il team ch’ei anavos era pretender tut las cartas en ina, sto denton annunziar quei avon ch’alzar.

La carta finala sto vegnir viulta per tuts. 

Sche las cartas vegnan repartidas falliu, astga igl adversari decider, sch’ei sto aunc inagada vegnir dau ora. Schiglioc ston ins vegnir perina cun reparter las cartas leu nua ch’ei mauncan.

Honors astgan buc vegnir mess en scart.

Il scartist astga buca mirar la carta suten avon che schar alzar. 

Il scartist astga mirar il funs pér cun 12 cartas (respectivamein cun 9).

Metter ensemen (cavegliar) il giug ei scumandau. 

Ha il scartist buca troccas, va il giug anen, a cundiziun ch’el(la) giavischi quei.

Remetter, spluntar, trer la carta, numnar il mund (ils 21, bien, la vacca, e.a.v) ei buca lubiu. Quellas expressiuns ed acziuns ein scumandadas ed astgan buc vegnir duvradas duront il giug. 

Dat in(a) giugadur(a) buca colur ni vegnan las reglas da giug buc respectadas, san ils adversaris decider, sch’il giug va anen ni buc. En cass da carplina decidan ils meinagiug.

Il narr stgisa mintga carta. 

Tier dispettas e differenzas davart las reglas da giug decidan ils meinagiug dil turnier.

 

Informaziuns davart il menaschi da giug

 

Il plan da giugs vegn preparaus ordavon cun numeras. Quellas numeras ein denton aunc buc colligiadas cun ils teams aschia che quella sort sto vegnir tratga avon il turnier.

Il turnier entscheiva allas 13:30 uras e silsuenter ha mintg’ura liug ina nova runda. La tscheina ei previda per las 18:30 uras, en quella ura croda la runda da giugs. Il plan sepresenta sco suonda:  

 

RUNDA DA QUALIFICAZIUN : sonda, ils 9 da schaner 2016

TEMPS

RUNDA

13:00 – 13:30

beinvegni e trer la sort dallas numeras per il plan da giug

13:30 – 14:15

1. runda

14:30 – 15:15

2. runda

15:30 – 16:15

3. runda

16:30 – 17:15

4. runda

17:30 – 18:15

5. runda

18:30 – 19:15

tscheina

19:30 – 20:15

6. runda

20:30 – 21:15

7. runda

21:45

qualificaziun per la runda finala dalla dumengia

 

Treis quarts dils teams separticipeschan per la runda finala dalla dumengia. La mesadad dils puncts recaltgai la sonda vegnan purtai vinavon per la runda finala dalla dumengia.

La constellaziun da teams astga buc midar, ei astga dar negins remplazzaments.

 

 

RUNDA FINALA : dumengia, ils 10 da schaner 2016

TEMPS

RUNDA

10:30 – 11:00

beinvegni e trer la sort dallas numeras per il plan da giug

11:00 – 11:45

8. runda

12:00 – 12:45

9. runda

13:00 – 13:45

10. runda

14:00 – 14:45

quart-final (11. runda per ils ulteriurs)

15:00 – 15:45

miez-final (12. runda per ils ulteriurs)

15:45 – 16:45

final (13. runda per ils ulteriurs)

17:00

RANGAZIUN

 

 

Mintga runda (dus giugs) sto vegnir dada en 45 minutas. Ord raschuns organisatoricas supplichein nus da setener vida quella limita da temps. En cass extrems – quei vul dir, sch’il menaschi da giug vegn disturbaus entras retards a moda e maniera buc supportabla – selubeschan ils meinagiug d’exclauder equipas dil turnier.

Tuts entscheivan la nova runda communablamein ed ei sto vegnir giugau sillas meisas indicadas. Il team numnau sco emprem entscheiva l’emprema runda, l’auter team la secunda.

Las meisas ein numeradas e sin mintga meisa sesanfla il fegl da giug. Quel sto vegnir emplenius e suttascrets d’omisdus teams e lu surdaus als meinagiug.

En cass da carplinas stattan ils meinagiug a disposiziun per damondas e sclariment. En funcziun da meinagiug ein: Annalisa Cathomas e Julian Cathomas.

 

 

 

 

 

1.            Ei vegn dau dus giugs per runda, mintga giug gudignau dat dus puncts. In giug uliv dat per mintga team in punct. En parentesa vegn mintgamai nudau il stan dils buns (+) ni dils schliats (-) dalla fin dil giug. Tier in giug uliv ei lez stan sin nul. Ex. : In team gudogna omisdus giugs, inagada cun 7 buns ed inagada cun 11 buns, lu dat ei il suandont resultat final: victurs = 4(+18), sperdiders = 0 (-18). Sche team A gudogna in giug per 4 buns e team B damogna l’auter per 13 buns, ei il stan final il suandont: team A = 2(-9), team B = 2(+9).

 

2.            Sch’ei dat in giug uliv, vegn ei buc aunc dau ora duas gadas. Il resultat munta lu ad 1(0) per mintga team per igl emprem giug. Sche team A gudogna il secund giug per 7 buns, lu ei il resultat final il suandont: team A = 3 (+7), team B = 1(-7).

 

3.            Suenter mintga runda vegn midau adversari, quei tenor la gliesta ch’ei vegnida fatga tenor schabetg.

 

4.            Il giug entscheiva cun dar ora sis cartas per giugadur.

 

5.            Aschigleiti ch’in team ha 9 puncts schliats e dapli, sa el pretender ch’ei vegni dau 9 cartas per trochist(a), sto denton annunziar quei avon ch’alzar.

 

6.            Cun 18 e dapli schliats sa il team ch’ei anavos era pretender tut las cartas en ina, sto denton annunziar quei avon ch’alzar.

 

7.            La carta finala sto vegnir viulta per tuts.

 

8.            Sche las cartas vegnan repartidas falliu, astga igl adversari decider, sch’ei sto aunc inagada vegnir dau ora. Schiglioc ston ins vegnir perina cun reparter las cartas leu nua ch’ei mauncan.

 

9.            Honors astgan buc vegnir mess en scart.

 

10.        Il scartist astga buca mirar la carta suten avon che schar alzar.

 

11.        Il scartist astga mirar il funs pér cun 12 cartas (respectivamein cun 9).

 

12.        Metter ensemen (cavegliar) il giug ei scumandau.

 

13.        Ha il scartist buca troccas, va il giug anen, a cundiziun ch’el(la) giavischi quei.

 

14.        Remetter, spluntar, trer la carta, numnar il mund (ils 21, bien, la vacca, e.a.v) ei buca lubiu. Quellas expressiuns ed acziuns ein scumandadas ed astgan buc vegnir duvradas duront il giug.

 

15.        Dat in(a) giugadur(a) buca colur ni vegnan las reglas da giug buc respectadas, san ils adversaris decider, sch’il giug va anen ni buc. En cass da carplina decidan ils meinagiug.

 

16.        Il narr stgisa mintga carta.

 

17.        Tier dispettas e differenzas davart las reglas da giug decidan ils meinagiug dil turnier.

 

 

INFORMAZIUNS DAVART IL MENASCHI DA GIUG

 

 

 

RUNDA DA QUALIFICAZIUN : sonda, ils 9 da schaner 2016

TEMPS

RUNDA

13:00 – 13:30

beinvegni e trer la sort dallas numeras per il plan da giug

13:30 – 14:15

1. runda

14:30 – 15:15

2. runda

15:30 – 16:15

3. runda

16:30 – 17:15

4. runda

17:30 – 18:15

5. runda

18:30 – 19:15

tscheina

19:30 – 20:15

6. runda

20:30 – 21:15

7. runda

21:45

qualificaziun per la runda finala dalla dumengia

 

 

 

RUNDA FINALA : dumengia, ils 10 da schaner 2016

TEMPS

RUNDA

10:30 – 11:00

beinvegni e trer la sort dallas numeras per il plan da giug

11:00 – 11:45

8. runda

12:00 – 12:45

9. runda

13:00 – 13:45

10. runda

14:00 – 14:45

quart-final (11. runda per ils ulteriurs)

15:00 – 15:45

miez-final (12. runda per ils ulteriurs)

15:45 – 16:45

final (13. runda per ils ulteriurs)

17:00

RANGAZIUN

 

 

 

 

Article originally appeared on Troccas.ch (http://www.troccas.ch/).
See website for complete article licensing information.