Main | Reglament campiunadi grischun da troccas »
Montag
Jan142019

Rangaziun Campiunadi da troccas 2019


Urs Gautschi e Lucas Janka gudognan il campiunadi grischun da troccas

Ils 12 e 13 da schaner 2019 ha giu liug ella halla da scola a Rabius il 14avel campiunadi grischun da troccas.
La sonda ei la runda da qualificaziun vegnida giugada ed oz ha giu liug la runda finala, per la quala treis quarts dils participai ein sequalificai. Ils finals cun ils megliers otg teams ein vegni giugai el sistem da ko. En tut han 120 persunas en 60 teams fatg part al turnier.

Gudignau il turnier han Urs Gautschi e Lucas Janka da Trun. Vicecampiuns ein Vitus Dermont e Sebastian Camathias da Laax ed il tierz rang han Lucas Tschalèr da Glion e Matthias Schmuki da Mustér contonschiu.
Cun ils campiunadis grischuns da troccas duei la tradiziun da quei giug fetg cumplex e spannegiont ch’ei per gronda muntada per il lungatg e la cultura romontscha vegnir tgirada e promovida.

l'entira rangaziun anfleis vus cheu: Rangaziun campiunadi grischun da troccas 2019

 

PrintView Printer Friendly Version

EmailEmail Article to Friend