Beinvegni tier la pagina da troccas! Sche Vus udis enzatgei da turniers etc dai fai aschi bien part e vegnin a presentar datums e nua che quels han liug gratuitamein. Las gliestas da rangaziuns anfleis vus niev sut ina atgna sparta.

 

Freitag
Nov132015

Campiunadi Grischun da Troccas 2016

 

 

Preziadas amitgas, preziai amitgs dil giug da troccas

 

L’uniun grischuna da troccas selegra d’envidar Vus agl endischavel campiunadi grischun da troccas.

 

Il giug da troccas ei in’impurtonta ierta culturala dalla Surselva. Sur generaziuns han las troccas accumpignau ed uniu la populaziun ed era ozildi han ellas piars nuot da lur fascinaziun.

Cun la realisaziun dil campiunadi grischun da troccas vul l’uniun grischuna da troccas rinforzar quei giug da tradiziun. Il giug da troccas - che stat en stretg connex cun il lungatg romontsch - duei vegnir promovius e fatgs enconuschents sur ils cunfins da nossa regiun.

Nus sperein d’astgar beneventar Vus ils 9 ed 10 da schaner 2016 agl endischavel campiunadi grischun da troccas a Vella.

 

Vossa uniun grischuna da troccas

 

 

__________________________________________

 

Informaziuns

 

Program

sonda, 09-01-2016, 13:00 – 22:00 uras
runda da qualificaziun (cun pausa per tschenar)

dumengia, 10-01-2016; 11:00 – 17:00 uras
runda finala

 

Liug

Halla plurivalenta a Vella

 

Gruppas

Mintgamai duas persunas valan sco team fix per igl entir campiunadi. Ei vegn giugau cun tschintschar (tenor reglament).

 

Modus da giug

Ei vegn mintgamai dau in giug per runda. Treis quarts dils teams sequalificheschan per il final dalla dumengia. Il quartfinal, il miezfinal ed il final vegnan giugai sur 3 giugs.

 

Cuosts

180.00 francs per team

La contribuziun sto vegnir pagada ina jamna avon il turnier, schiglioc ei l’annunzia buca valeivla. Sch’in team ei buca presents, vegn il daner da giug buca restituius. Cumpriu ein ina tscheina la sonda e petta cun caffè la dumengia.

 

Meinagiug

Ils organisaturs decidan davart las consequenzas pertuccont giugs che vegnan buca giugai a moda e maniera gesta (tenor reglament).

 

Premis

1'000.- francs en bar per il team che daventa campiun grischun. Ils secunds  gudognan 600.- ed ils tiarzs 400.- francs. Mintga team survegn in premi.

 

Remarcas

En sala eis ei buca lubiu da fimar.

 

Annunzia

tochen ils 31 da december 2015

-   a scret: Annalisa Cathomas, Via Bual 17, 7130 Glion, 081 943 32 59
-   via mail: annalisacathomas@bluewin.ch
-   egl internet sut: www.troccas.ch


Conto

Uniun grischuna da troccas
Banca Raiffeisen Cadi, Mustér, numera da conto 70-1479-0

IBAN CH56 8107 2000 0068 5834 6

 

Adatg

 

       Buc emblidar d’annunziar ils nums dil team fix alla adressa survart!

 

 

Nus selegrein sin buns giugs e sin Vossa cumpignia!

 

 


Mittwoch
Nov112015

Troccas per premis a Sedrun Hotel Soliva


Dienstag
Nov102015

Cup Steila a Danis

 

Ei vegn giugau system cup, cun tschintschar e partenari liber.

Sin Vossa viseta selegra il club da troccas Ochli

 


Dienstag
Nov102015

Maraton da Troccas a Cuera


Freitag
Okt092015

Turnier da Troccas per Premis a Breil


Freitag
Sep252015

Maraton da Troccas a Rabius


Montag
Apr202015

Troccas per premis a Pigniu


Montag
Feb022015

Preavis Turnier da Troccas <la Steila> a Turitg


Preavis per il proxim Turnier da Troccas <la Steila> a Turitg en in niev local

 

sonda ils 18. d'avrel 2015 en l'ustria Glattwies a Turitg-Schwamendingen -> Link tier il local

 

 

 

Montag
Jan052015

publicaziun reglament campiunadi grischun da troccas

Publicau il reglament dil campiunadi grischun da troccas ensemmen cun informaziuns davart il menaschi da giug. Link direct >

 

 

 

Mittwoch
Nov262014

Maraton da troccas a Cuera