Beinvegni tier la pagina da troccas! Sche Vus udis enzatgei da turniers etc dai fai aschi bien part e vegnin a presentar datums e nua che quels han liug gratuitamein. Las gliestas da rangaziuns anfleis vus niev sut ina atgna sparta.

 

Mittwoch
Jan042012

Maraton da troccas a Rabius


Montag
Nov212011

Cup Steila a Danis

 

CLUB DA TROCCAS OCHLI DANIS-TAVANASA

 

Il Cup Steila ha liug dumengia, ils 11 da december 2011 allas 13.00 uras ell'ustria Steila a Danis.

Ei vegn giugau cun partenari tenor giavisch, cun tschintschar, el sistem cup.

Tut tgi che dat bugen troccas ei cordialmein envidaus.

 

Club da troccas Ochli

Danis-Tavanasa

 

 

Sonntag
Nov132011

siatavel campiunadi grischun da troccas 2012

 

Preziadas amitgas, preziai amitgs dil giug da troccas

 

L’uniun grischuna da troccas selegra d’envidar Vus al siatavel campiunadi grischun da troccas.

 

Il giug da troccas ei in’impurtonta ierta culturala dalla Surselva. Sur generaziuns han las troccas accumpignau ed uniu la populaziun ed era ozildi han ellas piars nuot da lur fascinaziun.

Cun la realisaziun dil campiunadi grischun da troccas vul l’uniun grischuna da troccas rinforzar quei giug da tradiziun. Il giug da troccas - che stat en stretg connex cun il lungatg romontsch - duei vegnir promovius e fatgs enconuschents sur ils cunfins da nossa regiun.

Nus sperein d’astgar beneventar Vus ils 7 e 8 da schaner 2012 al siatavel campiunadi grischun da troccas ella sala da cultura a Trun.

 

Vossa uniun grischuna da troccas

 

__________________________________________

Informaziuns


Program

sonda, 07-01-2012, 13:00 – 22:00 uras
runda da qualificaziun (cun pausa per tschenar)

dumengia, 08-01-2012; 11:00 – 17:00 uras
runda finala


Liug

Sala da cultura a Trun


Gruppas

Mintgamai duas persunas valan sco team fix per igl entir campiunadi. Ei vegn giugau cun tschintschar (tenor reglament).


Modus da giug

Ei vegn mintgamai dau in giug per runda. Treis quarts dils teams sequalificheschan per il final dalla dumengia.Il quart, miez final ed il final vegnan giugai sur 3 giugs.


Cuosts

160.00 francs per team

La contribuziun sto vegnir pagada cun cedel da pagament ina jamna avon il turnier, schiglioc ei l’annunzia buca valeivla. Sch’in team ei buca presents, vegn il daner da giug buca restituius. Cumpriu ein ina tscheina la sonda e petta cun caffè la dumengia.


Meinagiug

Ils organisaturs decidan davart las consequenzas pertuccont giugs che vegnan buca giugai a moda e maniera gesta (tenor reglament).


Premis

1'000.- francs en bar per il team che daventa campiun grischun. Ils secunds  600.- ed ils tiarzs 400.- francs. Mintga team survegn in premi.


Remarcas

En sala eis ei buca lubiu da fimar.


Annunzia

tochen ils 31 da december 2011

-   a scret: Annalisa Cathomas, Via Bual 17, 7130 Glion, 081 943 32 59
-   via mail: annalisacathomas@hotmail.com
-   egl internet sut: www.troccas.ch


Conto

Uniun grischuna da troccas
banca Raiffeisen Surselva, Glion, numera da conto 70-9631-4

IBAN CH73 8107 3000 0014 3016 1

 

Nus selegrein sin buns giugs e sin Vossa cumpignia!

 


Sonntag
Nov132011

Maraton da troccas a Cuera


Freitag
Okt212011

turnier da troccas per premis a Breil


Montag
Okt102011

Troccas per premis a Sedrun


Montag
Mai022011

Troccas per premis a Pigniu


Dienstag
Mrz082011

Turnier da troccas la steila a Kloten


Montag
Feb282011

Cup Kistenpass a Breil 20.03.2011


Dienstag
Jan112011

Communicaziun a las medias campiunadi da troccas


 

La rangaziun ed entginas fotas anfleis vus sut quei link: Rangaziun campiunadi grischun 2011

 

Page 1 ... 3 4 5 6 7 ... 8 proxima 10 pagina »