Beinvegni tier la pagina da troccas! Sche Vus udis enzatgei da turniers etc dai fai aschi bien part e vegnin a presentar datums e nua che quels han liug gratuitamein. Las gliestas da rangaziuns anfleis vus niev sut ina atgna sparta.

Niev anfleis era tut ils turniers sin Facebook sut https://www.facebook.com/Troccas liken e publicar vinavon :)

 

Dienstag
Mrz082011

Turnier da troccas la steila a Kloten


Montag
Feb282011

Cup Kistenpass a Breil 20.03.2011


Dienstag
Jan112011

Communicaziun a las medias campiunadi da troccas


 

La rangaziun ed entginas fotas anfleis vus sut quei link: Rangaziun campiunadi grischun 2011

 

Freitag
Nov262010

Troccas per premi a Glion


Montag
Nov222010

Troccas per premis a Sedrun el Soliva


Donnerstag
Nov112010

Sisavel campiunadi grischun da troccas 2011

Preziadas amitgas, preziai amitgs dil giug da troccas

 

L’uniun grischuna da troccas selegra d’envidar Vus al sisavel campiunadi grischun da troccas.

 

Il giug da troccas ei in’impurtonta ierta culturala dalla Surselva. Sur generaziuns han las troccas accumpignau ed uniu la populaziun ed era ozildi han ellas piars nuot da lur fascinaziun.

Cun la realisaziun dil campiunadi grischun da troccas vul l’uniun grischuna da troccas rinforzar quei giug da tradiziun. Il giug da troccas - che stat en stretg connex cun il lungatg romontsch - duei vegnir promovius e fatgs enconuschents sur ils cunfins da nossa regiun.

Nus sperein d’astgar beneventar Vus ils 8 e 9 da schaner 2011 al sisavel campiunadi grischun da troccas ell’ aula a Laax.

 

Vossa uniun grischuna da troccas

__________________________________________

Informaziuns

Program

sonda, 08-01-2011, 13:00 – 22:00 uras
runda da qualificaziun (cun pausa per tschenar)

dumengia, 09-01-2011; 13:00 – 18:00 uras
runda finala

Liug

Aula a Laax

Gruppas

Mintgamai duas persunas valan sco team fix per igl entir campiunadi. Ei vegn giugau cun tschintschar (tenor reglament).

Modus da giug

Ei vegn mintgamai dau in giug per runda. Treis quarts dils teams sequalificheschan per il final dalla dumengia.Il quart, miez  ed il final vegnan giugai sur 3 giugs.

Cuosts

160.00 francs per team

La contribuziun sto vegnir pagada cun cedel da pagament ina jamna avon il turnier, schiglioc ei l’annunzia buca valeivla. Sch’in team ei buca presents, vegn il daner da giug buca restituius. Cumpriu ein ina tscheina la sonda e petta cun caffè la dumengia.

Meinagiug

Ils organisaturs decidan davart las consequenzas pertuccont giugs che vegnan buca giugai a moda e maniera gesta (tenor reglament).

Premis

1'000.- francs en bar per il team che daventa campiun grischun. Ils secunds  600.- ed ils tiarzs 400.- francs. Mintga team survegn in premi.

Remarcas

En sala eis ei buca lubiu da fimar.

Annunzia

tochen ils 31 da december 2010

-   a scret: Annalisa Cathomas, Via Bual 17, 7130 Glion, 081 943 32 59
-   via mail: annalisacathomas@hotmail.com
-   egl internet sut: www.troccas.ch/annunzia

Conto

Uniun grischuna da troccas
banca Raiffeisen Surselva, Glion, numera da conto 70-9631-4

Nus selegrein sin buns giugs e sin Vossa cumpignia!

 




Sonntag
Okt312010

Turnier da troccas per premis a Breil


Montag
Sep202010

Maraton da troccas a Glion


Donnerstag
Jul292010

Golf e troccas a Breil 28 d'uost 2010


 

 

Donnerstag
Jul292010

Cuors da troccas a Vuorz

Il giug da troccas ha ina liunga tradiziun en Surselva. El promova buca mo la cumpignia, mobein ei era in scazi cultural dalla regiun. Nus lein perquei envidar Vus d’emprender d’enconuscher quei giug da cartas interessant e tensiv.


Cura ?
mesjamna, ils 8 e 15 da september 2010, mintgamai dallas 20:00 uras

Nua ? el hotel Ucliva a Vuorz

Cuosts ? fr. 40.--, da pagar l’emprema sera da cuors


Annunziar tochen ils 4 da september 2010 sut 081/936 86 06 ni per mail regula.grischott@bluewin.ch


Cordialmein envida                                            ‘avegnirVuorz’