Beinvegni tier la pagina da troccas! Sche Vus udis enzatgei da turniers etc dai fai aschi bien part e vegnin a presentar datums e nua che quels han liug gratuitamein. Las gliestas da rangaziuns anfleis vus niev sut ina atgna sparta.

Niev anfleis era tut ils turniers sin Facebook sut https://www.facebook.com/Troccas/ liken e publicar vinavon :)

 

Mittwoch
Mrz032010

Maraton da troccas a Cuera ils 20 da mars 2010


 

Donnerstag
Feb182010

Sera da dar troccas per in e scadin a Muster

Ils 23 da fevrer 2010 dat ei puspei ina sera da dar troccas per in e scadin a Muster allas 19.30 ell'ustria Furka

Link dall'ustria Furka: http://www.furka-disentis.ch/


Ils 2 da mars 2010 ei quella sera da dar troccas a Muster allas 19.30 el Hotel Sax

Link dil Hotel Sax: http://www.hotelsax.ch/
Link da carta: http://map.search.ch/disentis-muster/via-sax-1

 

Mittwoch
Feb172010

Maraton da dar troccas a Kloten ils 10 d'avrel 2010

 

Ils Romontschs giu Turitg e contuorn envidan cordialmein tier il 4. MIEZ MARATON che ha liug ils 10 d'avrel sco usitau ella "Schützenstube" a Kloten

 

Programm:
11.00 in pign puschegn pils fomentai da viadi
12.00 entschatta dil turnier
16.00 pausa cun café e pettas
19.00 ca. rangaziun, silsuenter tscheina (grillada cun salatas e dessert)

Modus da giug:
En tut vegn ei dau sis rundas cun mintgamai dus giugs. Mintgin dat per sesez cun in partenari tratgs ora entras il computer. Mintga runda vegn mischedada da niev.

Cuosts:
Fr. 50.- per persuna, cumpriu en eil il puschegn, in cafe cun petta e la tscheina (senza bubrondas)

Premis:
Mintgin survegn in premi

Annunzia:
tochen ils 31 da mars 2010 per mail ni telefon a Helena Diethelm-Beer
helena-diethelm@bluewin.ch Tel. 044/780 45 43 (per telefonar ei il meglier gliendisdis/mardis ni la sera)

 

La stiva da tiradurs a Kloten porscha mo plaz per 40 persunnas. Las empremas annunzias han preferenza

Nus selegrein da seveser cun biars trochists etrochistas da lunsch e damaneivel

 

Vos trochists e trochistas da Turitg

 

 

Freitag
Feb122010

Sera da dar troccas per in e scadin a Muster


Ils 16 da fevrer 2010 dat ei puspei ina sera da dar troccas per in e scadin a Muster niev allas 19.30 ell'ustria Furka

Link dall'ustria: http://www.furka-disentis.ch/

 

Montag
Feb012010

Sera da dar troccas per in e scadin a Muster


Ils 9 da fevrer 2010 dat ei ina sera da dar troccas per in e scadin a Muster allas 19.00 ell'ustria Furka

Link dall'ustria: http://www.furka-disentis.ch/

 

Freitag
Jan292010

Turnier da troccas per premis a Rabius


Dienstag
Jan262010

Fotas dils victurs dil campiunadi da troccas 2010



da seniester a dretg ils victurs Sep Aluis Monn e Vitus Lutz

 

Dienstag
Jan262010

resultats dil campiunadi da troccas 2010



smaccar silla liesta per veser ella pli grond

Dienstag
Jan262010

Messadi da pressa dil campiunadi da troccas


Donnerstag
Jan212010

5. campiunadi Grischun da troccas 2010

 

Preziadas amitgas, preziai amitgs dil giug da troccas

L’uniun grischuna da troccas selegra d’envidar Vus al quart campiunadi grischun da troccas.

Il giug da troccas ei in’impurtonta ierta culturala dalla Surselva. Sur generaziuns han las troccas accumpignau ed uniu la populaziun ed era ozildi han ellas piars nuot da lur fascinaziun.
Cun la realisaziun dil campiunadi grischun da troccas vul l’uniun grischuna da troccas rinforzar quei giug da tradiziun. Il giug da troccas - che stat en stretg connex cun il lungatg romontsch - duei vegnir promovius e fatgs enconuschents sur ils cunfins da nossa regiun.

Nus sperein d’astgar beneventar Vus ils 9 e 10 da schaner 2010 al tschunavel campiunadi grischun da troccas ella halla da scola a Danis.

Vossa uniun grischuna da troccas

 

Programm:
sonda, 09-01-2010, 13:00 – 22:00 uras - runda da qualificaziun (cun pausa per tschenar)
dumengia, 10-01-2010; 13:00 – 18:00 uras runda finala

Liug:
Halla dalla casa da scola a Danis

Gruppas:
Mintgamai duas persunas valan sco team fix per igl entir campiunadi. Ei vegn giugau cun tschintschar (tenor reglament).

Modus da giug:
Ei vegn mintgamai dau in giug per runda. Treis quarts dils teams sequalificheschan per il final dalla dumengia.Il miez final ed il final vegnan giugai sur 3 giugs.

Cuosts: 150.00 francs per team

La contribuziun sto vegnir pagada cun cedel da pagament ina jamna avon il turnier, schiglioc ei l’annunzia buca valeivla. Sch’in team ei buca presents, vegn il daner da giug buca restituius. Cumpriu ein ina tscheina la sonda e petta cun caffè la dumengia.

Meinagiug:
Ils organisaturs decidan davart las consequenzas pertuccont giugs che vegnan buca giugai a moda e maniera gesta (tenor reglament).

Premis:
1'000.- francs en bar per il team che daventa campiun grischun. Ils secunds  600.- ed ils tiarzs 400.- francs. Mintga team survegn in premi.

Remarcas:
En sala eis ei buca lubiu da fimar.

Annunzia:
tochen ils 31 da december 2009

-   a scret: Annalisa Cathomas, Via Bual 17, 7130 Glion, 081 943 32 59
-   via mail: annalisacathomas@hotmail.com
-   egl internet sut: www.troccas.ch

Conto:
Uniun grischuna da troccas - banca Raiffeisen Surselva, Glion, numera da conto 70-9631-4

Nus selegrein sin buns giugs e sin Vossa cumpignia!