Cheu anfleis Vus las rangaziuns dils singuls turniers da troccas. Quels resultats san ins naturalmein mo publicar sche quels vegnan tarmess tier suenter il turnier. Sche pusseivel fagessan era fotas dils victurs plascher. Engraziel fetg.

 

Mittwoch
Mai212014

turnier a Kloten

 

In dils favorits gudogna

Il turnier da troccas la steila a Kloten, organisaus cun bia plascher ed engaschi da Mengia Cathomen cun sias gidontras e gidonters, ha gia giu liug per la otgavla gada. 44 persunas eran s’annuziadas per dar quei turnier empau pli spezial. La finala han 40 lu dau il turnier perquei che ina persuna ha il davos mument detg giu. Las biaras da quellas trocchistas e da quels trocchists vegnan era uonna giu da Cuera e schizun giu da la Surselva per dar troccas en in ambient empau pli spezial. Igl emprem ha Mengia era uonn puspei pinau cun sia brigada in bien da las nov fetg gustus.

Viers las 11 :30 han la finala era ils da Laax anflau nies local en la Schützenstube a Kloten ed il turnier sa entscheiver. In dils problems ei – sco mintga onn – puspei stau dad anflar la sligiaziun che negin stoppi dar pli che in agada cun ni encunter la medema persuna. La sligiaziun ha custau bia telefons ed E-Mails a nies spezialist, Pius Desax. Gie, schizun in spezialist dad ordeifer ha stuiu gidar.  La finala han ils 40 partizipontas e participonts puspei  dau 7 rundas a dus scarts, pia en tut 14 scarts. Suenter 4 rundas – viers las 15 :00 uras dat ei pettas ed auters dultschs che ils da Turitg e contuorn han pinau – in deletg ! Demai che buca tuttas giugaduras e giugadurs dattan fetg savens trocchas ei il tempo da giug plitost moderats. Aschia vegn ei las 19.30 uras tochen il turnier ei a fin. Avon che sedar giu cun la rangaziun dat e i lu ina buna tscheina cun grilladas e massa salattas. Perquei che 3 dels han buca saviu dar il turnier, han els gidau pruamein la Mengia da survir, far giu truffels e.a.v. Els ein stai igl entir di en pei ed han luvrau per nus. En num da las trochistas e dils trochists engraziein nus surtut a la Mengia e siu partenari Peter, a la secretaria Emma Wölfle ed als auters gidonters zun fetg.

E lu, suenter tscheina ed avon il delicius dessert vegn la ragaziun finala preligida. Per ils emprems 10 dat ei daners da gudignar. Perquei vegn igl emprem prelegiu ils rangs dad 11 tochen 40. Enzatgi sto far il davos. Quella gada ha ei tuccau in um, che ei era enconuschents da la televisiun.  Silsuenter va ei vinavon cun la plazza 10 tochen tier il victur ni la victura. La tensiun crescha pli e pli fetg. La surpresa ei denton quella gada buca aschi gronda, il victur ei in um che ei enconuschents sco fetg bien trocchist : Lucas Janka, oriunds da Trun. Gia sin il secund rang suonda denton puspei in dils giuvens trocchists da Turitg, Giacun Dermont. Cheu san ins dir : « il meil dat buca giu lunsch naven da la plonta » Giacun ei il fegl da Vitus Dermont !

Previu havein nus bein dad era igl avrel 2015 dar il turnier per la Steila a Kloten. Nossa Mengia e siu partenari Peter vulan denton calar si da far ustiers en la Schützenstube, aschia che la sligaziun sto aunc vegnida encurrida – e, tgi che enquera anfla era. Aschia essan nus da la bassa perschuadi dad era saver beneventar las trocchistas ed ils trocchists da lunsch e damaneivel in auter onn.

 


 


Montag
Jan132014

Campiunadi Grischun 2014





Gudignau il campiunadi han Zeno Cavigelli e Gion Spescha da Pigniu


Ils treis teams che han contonschiu il 1.-3. rang (da seniester: Guido Maissen, Ivo Deflorin, Zeno Cavigelli, Gion Spescha, Andreas Muoth, Robert Sgier).

Dienstag
Nov192013

Turnier da troccas per premis a Breil 2013


Montag
Jan142013

Campiunadi Grischun 2013


ils victurs da seniester a dretg: Pius Desax, Casper Deflorin


da seniester a dretg: Annalisa Cathomas, Renata Cathomas, Pius Desax, Casper Deflorin, Reto Bigliel, Marcus Manetsch

Freitag
Dez142012

Rangaziun Turnier da troccas per premis a Breil


Montag
Okt292012

Rangaziun maraton da troccas a Rabius

Montag
Jan092012

Rangaziun campiunadi grischun da troccas 2012














Mittwoch
Jan042012

Rangaziun turnier da troccas per premis a Breil 2011


Montag
Jan102011

Rangaziun campiunadi grischun da troccas 2011


ils victurs

 Helena Diethelm, Flurina Cathomas, Walter Deflorin, Ignaz Jacomet, Remo Pfister e Livio Cathomen

 

Walter Deflorin, Ignaz Jacomet, Remo Pfister e Livio Cathomen

 

rangaziun finala dumengia (smaccar sillas gliestas per veser quellas pli grond)

rangaziun intermediara sonda

Dienstag
Dez282010

Rangaziun turnier da troccas Hotel Rätia a Glion